Kamis, 01 Agustus 2013

Ama Rasa?

Ma be podaku ma raso dou diama rasa
Ma be podaku ma taho dou ma ditoho
Ma be podaku dimakapahun
au ra ne'e dou mboto ra pehe...

Dana Mbojo nawa'u podara mbuja
Dou doho ra imbi wati wara ma ambi
Mori dou di rasa nawa'ura sarusa
Dou doho ra kadale tidu wara ma paraduli

Dana mbari nawa'ura sambura
Ndadi dou ma na'e hampa ba wara ne'en
Ngahi ro rawina tiwara ma ntau riwa
Sake kataho kampo palasi wara ne'e na dikumpa

Ore rawi ma kancaru ba supu kadale dou ma ncara
Manggusu waru tidu wara ma kawara
Dou ma loa ka'ao ne'e dou saudu tiwara ma edan
Balelu di piti nefa kaira dou ra pata

Bune ai podaku raka dou ma taho rawi ro ruku
Sandake ra ai indota da iu
Sake ro sumpa palasi nakalampaku ma sampu
Kantana ngoho pala ndaina dimangaha

Kalembo ademu dou ma labo danae.....

Pulau Dewata: 1 Agustus 2013



Comments
0 Comments

Terimakasih telah berkomentar di Blog saya. Setiap kata yang sobat tinggalkan adalah jejak pencerahan peradaban. Jabat erat.
EmoticonEmoticon