Rabu, 31 Juli 2013

Panggita Ade

Kukawarasi ede nalingi ndaina adek
Ntanda tio kamidi mboho ndain oi mada

Moti makalau, nggomi oto nahu ma lao
Nahu ma lao di rasa ma kalai

Coa nenti rima sarumbu mpoi rome
Pohu ro ngilu sawatipu ba ngala

Jagapu ademu arei... kone dantuwu eda
Rakasi ba lingi aina ipi balingo
Ntandapu wura, pahu babamu dikawara

Kentesi samada aina roro midi
Hantapu rima, raho ru'u di Ruma
Aina kacumpu ade ndai ma campo

Ara ake, ade nahu tiwa'u diuku
Ngara nggomipa dipehe, fotomu dipohu

Kone maru nefa wati dengga nifi
Bune paja langi, ade nahu malingi

Wati wa'u ditapa samonto ariku ma tupa
Tiwa'u ditaha, kawara rawimu ma taho

Rakasi ba waktu na pede, ta katantu podak
Kahabapu ina ro ama, nahu ma lao di uma

Takatadaku eli mawatidu wa'u diili
Aruraja na'e atokai teka ra ne'e

Ta undaku dou ma mboto, ndai doho di jambuta
Wa'usi nggori ede nasana lalompa ade

Babau ba da maru sabala ai ma more
Rere kalicempe ndai boura campo
Edaku ra pahun aura daloa dipehe...

Pulau Dewata,31 Juli 2013

Comments
0 Comments

Terimakasih telah berkomentar di Blog saya. Setiap kata yang sobat tinggalkan adalah jejak pencerahan peradaban. Jabat erat.
EmoticonEmoticon